नेपाली हास्यव्यङ्ग्य अनलाइन पत्रिका

हाम्रो मझेरी साहित्य प्रतिष्ठानको २०७१ पुष १९ गते बसेको बैठकले हाम्रो मझेरी प्रतिभा साहित्य सम्मान २०७१ विभिन्न स्रष्टालाई प्रदान गर्ने निर्णय गरिएको छ । प्रा.डा. नारायणप्रसाद खनाल चितवन, कवि उज्वल जी.सी., पोखराकी प्रतिभाशाली कवयत्री सरस्वती श्रेष्ठ सरु र झापाका साहित्यकार तथा पत्रकार भुपेन्द्र तिम्सिनालाई प्रदान गरिने निर्णय गरिएको हो ।

यसैगरी नेपाली गजलको एउटा विशिष्ट कृति अक्षरहरूको पिरामीड संयुक्त गजल सङ्ग्रहको विमोचन सोहीसमारोहमा गरिनेछ । गजलकार भाष्कर काजीको ‘उल्टो ताली’ गजल सङ्ग्रह, कमल अर्याल धादिङेको ‘तिमी आउनु अघि’ गजलसङ्ग्रह, कल्पना पौडेल जिज्ञासुको ‘जून हराएको रात’ गजलसङ्ग्रह र प्रकाश किरणको ‘अजनवी’ गजलसङ्ग्रह सँगै हाम्रो मझेरी साहित्यिक पत्रिकाको ५२ औँ अङ्क कविता विशेषाङ्कको पनि विमोचन गरिनेछ ।

समारोहमा यस वर्षको गजलरत्न पुरस्कारबाट हङकङ निवासी गजलकार बज्रकुमार राई थुलुङको गजलसङ्ग्रह ‘हत्केलाको आगो’लाई र गजलश्री पुरस्कार काठमाडौंकी गजलकार राधिका कुइँकेल खनालको ‘मौन आकाश’लाई प्रदान गरिने निर्णय गरिएको छ ।
–अरुणबहादुर खत्री ‘नदी’