दुर्गाप्रसाद ग्वालटारेछोड बुढी चिन्ता !
संविधान नआउँदैमा आकाश खस्ने हैन
सूर्य चन्द्र दौडी रहलान्, जमिन धस्ने हैन ।
किन यस्तो अबुझ तिमी मरिहत्ते गछ्र्यौ
माथिबाट कोहि आई पाता कस्ने हैन ।
न त जुत्ता माला लाउलान्, न त जल्ला पुत्ला
माइकेलाल कोही आई मोसो घस्ने हैन ।
जे जे भयो पैले–पैले को सम्झिन्छ ऐले ?
हाम्रो घर कब्जा गरी कोही बस्ने हैन ।
जागिर भए अर्कै कुरो, कमाई खोज्थे होलान्
राजनीति हो अख्तियारमा पक्कै फस्ने हैन ।
छोड बुढी चिन्ता–सिन्ता बरु यता आऊ
जाडो बढ्यो खुस्स सिरक भित्र पस्ने हैन ?
२०७१ पौष
काठमाडौं
Subscribe
Login
0 Comments
Oldest
