नेपाली हास्यव्यङ्ग्य अनलाइन पत्रिका

१.सोझो मुख लाउनेले सोझो सोझो खायो !
बाङ्गो मुख लाउनेले खान सम्म खायो !

२.अख्तियार त्रास कुध्ने कुधि मात्र रह्यो !
आँखा छल्न सिपालुले कति खायो ! खायो !

३.संविधान बन्ला बन्ला एक दिन पक्का !
तवसम्म तमासा के हेर्ने ! खाने ! खायो !

४.बाटो वन्ने कहिले हँ ? के सोध्या हौ लाटा !
अहिले नै बाटो वने के खाने हँ ! खायो !

५.धर्म भन ! सेवा भन ! मेवा पो त खाने !
बसी बसी हात बाँध्दा खान मिल्छ ? खायो !

६.अहिले त दौडीदत्ते जुग आयो ! बुझ्यौ ?
झर्ला ! अनि खाउँला त अव गयो ! खायो !

७. अम्म्मम्म्म ! के सारो हँ ! धेरै मान्छे लाटा
तिनै मध्ये कस्तो बाठा ! के मिलायो ! खायो !

८. चतुरे र छट्टुको त गन्ती कति कति !
डम्म भुँडी ! ड्याउ ड्याउ ! क्या मजाले खायो !
झर्रो नेपाली घर, चन्द्रगढी झापा