नेपाली हास्यव्यङ्ग्य अनलाइन पत्रिका

महंगीले रोपेर
जनताको ढाड सेकाइएन
तोरी फुलेको देखाइएन
ग्वाँ पारी घुँडा टेकाइएन भने
के बजेट ल्याउनु
बजेट बजेट भनि
ओठ मुख मात्र सुकाउनु ।

करले घोपेर
व्यापारीको टाट पल्टाइएन
सिन्डीके लगाएर
दुई चार उद्योग घटाइएन
उद्योग धन्दा बन्द गराएर
रोजगारीको पेट कटाइएन भने
के को बजेट ल्याउनु
खाली बजेट बजेट भनि
नदुखेको टाउको मात्र दुखाउनु ।

विकासे बजेट फालेर
आफ्नो गाउँमा पारीएन
कमिसनको नाममा
दुई चार दाम झारीएन
जनताको मुखाँ माँड नपरे पनि
आफ्नो मुखमा जाँड पारीएन भने
के को बजेट ल्याउनु
खाली बजेट बजेट भनि
दशनंग्रा मात्र ख्याउनु ।

नयाँ निति हालेर
धनीलाई धन थपीयन
गरिब झन दविएन
जनता सुकुम्बासी बनाई
आपूm माथी टपिएन भने
के को बजेट ल्याउनु
खाली बजेट बजेट भनि
मन्त्रालय मात्र धाउनु ।

वजेट ल्याउँदा
दुई नम्बरीलाई बचाइएन
महगी चर्काएर
बजारमा उधुम मचाइएन
कामै नगरी
तलब भत्ता पचाइएन भने
के को वजेट ल्याउनु
खाली बजेट बजेट भनि
मन्त्री मात्र हुन आउनु ।
दाङ, हाल काठमाडौं