नेपाली हास्यव्यङ्ग्य अनलाइन पत्रिका

चित्र हुन्थे भने यदि
सायद ती आफै बोल्थे
ओंठ हुन्थे भने यदि
रहस्य ती आफै खोल्थे !
आँखा हुन्थे भने यदि
कम्तिमा ती आफै रुन्थे
जीवित हुन्थे भने मात्र पनि
पीडामा आफै चल्मलाउँथे !
तर
न बोल्न सक्ने रहेछन्
न रुन सक्ने रहेछन्
न चल्मलाउन सक्ने रहेछन्
श्री लुटिएका शब्दहरू !
त्यसैले त,
बलात्कृत छन्
धरतीका सैतानहरूबाट
निरन्तर, निरन्तर…. !
धेरै धेरै शब्दहरू !!
जस्तो कि क्रान्ति
जस्तो कि अग्रगमन
जस्तो कि सहमति
जस्तो कि लोकतन्त्र
जस्तो कि जनता !!!

काठमाडाैं