धनराज गिरीपछि पर्यो कान्छो !!!
कालोलाई कालै भन्दा पछि पर्यो कान्छो
नजानेर सही धन्धा पछि पर्यो कान्छो !!!
केही हुन्थ्यो जिन्दगीमा बढ्ने थियो फूर्ति
न लियो न दियो चन्दा पछि पर्यो कान्छो ।
पियो झोल इमानको बन्यो सत्यवादी !!!
आफ्नो बाटो आफैं खन्दा पछि पर्यो कान्छो ।
पहाडझैं रह्यो अटल आँधी आए पनि
नैतिकता बन्यो फन्दा पछि पर्यो कान्छो ।
गान्धी, बुद्ध, विदुर पो बने मित्रहरू
उसका साथी सबै अन्धा पछि पर्यो कान्छो ।
चितवन
Subscribe
Login
0 Comments
Oldest
