मरुभूमि नारायणझाँक्रीले चिन्नु पर्छ अब
अर्काकै काँध चढी फटाफट हिन्नु पर्छ अब
करोडौं पैसा तिरी सभासद किन्नु पर्छ अब ।
भर्न आफ्नै भुँडी खालि कुर्सीकै लुछाचुँडी
झट्टै छिन्ने मुद्धा वषौं पछि छिन्नु पर्छ अब ।
के के हुन्छ हेर्नु हुन्न सेतो छाला भित्र
सर्लक्क घाँटी तन्काइ मःम निल्नु पर्छ अब ।
अभिनय गरीकन पराईहरू धेरै भए
को पराई आफ्नो झाँक्रीले चिन्नु पर्छ अब ।
उठ्ने बस्ने खाने सबै रेडिमेड भएपछि
जाबो आलु प्याज केलाई पिन्नु पर्छ अब ।
औषधिले छुँदै छुन्न कहिल्यै निको हुन्न
त्यस्तो ठाउँमा बारुलाले चिल्नु पर्छ अब ।
जति सुकै काटमार वा हानाहान गर
देशको लागि सबै पार्टी मिल्नु पर्छ अब ।
तनहूँ
Subscribe
Login
0 Comments
Oldest
