बलराम तिमल्सिनाआलु मान्छे
आलु जस्तै जेमा पनि पाक्छ आलु मान्छे
फाइदाको पछि पछि लाग्छ आलु मान्छे ।
रात दिन खट्न सक्छ निजी मामलामा
समुहको हित सुन्दै थाक्छ आलु मान्छे ।
लगानीको कुरा गर्दा निदाए झैं गर्छ
आम्दानीको अ सुन्यो कि जाग्छ आलु मान्छे ।
सिन्को भाँच्नु पर्दा पनि ऐया आत्था गर्छ
भाषणमा महासागर नाघ्छ आलु मान्छे ।
सवैभन्दा पहिले पुग्छ भोज भतेरमा
संघर्षमा थाहै नपाई भाग्छ आलु मान्छे ।
२०६९ असोज ५
Subscribe
Login
0 Comments
Oldest
