नेपाली हास्यव्यङ्ग्य अनलाइन पत्रिका

न आऊ सपनीमा, बुबाले देख्नु हुन्छ
कसको छ सपना के के, बुबाले देख्नु हुन्छ

ज्यूँदाहरूको बिपना सस्तोमा किन्नु हुन्छ
सपना बनाइ फेरि महँगो बेच्नु हुन्छ

धेरै ठुलो छ ब्यापार, किन बेच गर्नु हुन्छ
मुल्य मनग्य पाए आफ्नै त बेच्नु हुन्छ

ठुलो गोदाम छ टन्न, सपनै सपना अरुको
सहिदका जत्ति सपना, थोकमा बेच्नु हुन्छ

न आऊ सपनीमा आए त राम्रो हुन्छ
देखेर राम्रो सपना बुवाले बेच्नु हुन्छ
कसको छ सपना के के, बुबाले देख्नु हुन्छ ।
काठमाडौं