नेपाली हास्यव्यङ्ग्य अनलाइन पत्रिका

एउटा नेपालीको पीडाले
अर्को नेपालीलाई छोएको छ
आँखाहरूमा दुखेका जीवनले
सारा देश रोएको छ

च्यातिएका हृदयहरूलाई
सहयोगले अझै सिउनु छ
रोकिँदैन आउने जिन्दगी
बाँच्नेहरूले त जिउनु छ

ए नेताहरू ! ए प्रशासकहरू !
खान नहुने चिज खान छोडिदेऊ
त्यो घुस र भ्रष्टाचारलाई
वाचा गर, मनैदेखि तोडिदेऊ

मन्त्री र सचिवहरूसँगै छ
सम्पूर्ण देशको ढुकुटीको साँचो
राहत र रकमको सहायता
बाँडीदेऊ जताजता छ खाँचो

सम्पूर्ण नेपाली एकजुट भएर
भोक र घाउलाई सहायता गरौँ
भत्केका चर्केका भवन र मन अनि
सिङ्गो राष्ट्रको पुनर्निर्माण गरौँ ।
उपाध्यक्ष, अनेसास लस एन्जेलस च्याप्टर