नेपाली हास्यव्यङ्ग्य अनलाइन पत्रिका

कोही जान्छ बेजिङ्गतिर
कोही जान्छ गंगा पारि
कोही जान्छ बैंककतिर
कोही जान्छ समुद्र पारि
इमान्दार नै रहेछन् नेता
छैनन् कुरो ढाँट्याको
कुरो बुझ्नै गार्हो छ
खै के गर्न हो आँट्याको ।

कोही औषधी उपचार भन्दै
दिल्लीतिर जान्छन्
भेटघाट गरेपछि आफूलाई
शक्तिशाली ठान्छन्
आलोपालो गरी गरी
सत्ता भत्ता खान्छन्
देशभक्त रहेछन् नेता
छैनन् कुरो ढाँट्याको
कुरो बुझी सक्नु छैन
खै के गर्न हो आँट्याको ।

एकातिर गए भने
आन्दोलन भन्छन्
आर्काेतिर गए भने
सहमति भन्छन्
घरको झगडा पर लगी
रेमोट कन्ट्रोल बन्छन्
राष्ट्र प्रेम रहेछन् नेता
छैनन् कुरो ढाँट्याको
कुरो बुझी सक्नु छैन
के गर्न हो आँट्याको ।
दाङ, हाल– काठमाडौं