नेपाली हास्यव्यङ्ग्य अनलाइन पत्रिका

बन्दुकको नालभित्र गुलाव खोजें गल्ती भो
पोखरी र तालभित्र बहाव खोजें गल्ती भो

थाहा थियो लटरम्म फल्दा मात्र वृक्ष झुक्छ
रित्तिएको नांगो बोटमा झुकाव खोजें गल्ती भो

परिभाषा पढेकै हुँ शत्रुता र मित्रताको
बेठेगानको मित्रसंग लगाव खोजें गल्ती भो

ब्यवहारले मान्छे चिन्नु भन्ने कुरा जानेकै हुँ
रक्षक ठानी भक्षकसंग बचाव खोजें गल्ती भो

सधैं मुर्ति पुजिरहें आशागर्दै “प्रसाद“को
पहरा र चट्टानसंग जवाव खोजें गल्ती भो ।
२०७२ असार
काठमाडौ