नेपाली हास्यव्यङ्ग्य अनलाइन पत्रिका

रावण जस्तो पराक्रमी त परै जाओस्
राम झैं सर्वज्ञानी बन्ने कोशिस सबैमा जारी छ
हनुमान झैं बकुल्लो भक्ति गर्छन् रामको
भरत जस्तो भाइ पाउन गारो छ ।

शिव जस्तै पति पाऊँ भन्छन् केटीहरू
बिष भाङ धतुरो तान्ने वर सहज छ
कृष्णले सोर सय गोपिनी भुलाउने
मिराले जस्तो एकोहोरो प्यार गर्ने को पो छ ?

इन्द्रले जस्तो स्वर्गको सुख भोग्ने
नारद ऋषि झैं गाउँदै हिँड्ने फुर्सद कहाँ छ
बिष्णु झैं डङ्रङ्ग नागमा सुत्ने
बृन्दाको सतीत्व हर्नेको के पत्तो छ ?

विभीषण झै घरको पोल खोल्ने
कंशको वंश संसारमा कहाँ छ ?
कुबेर जस्तो धनी भए पनि
अजर अमर यस धर्तीमा को पो छ ?

सीता जति राम्री भए पनि
द्रौपदीहरू चै भेट्न सहज छ
सीताकै कारणले रामरावण युद्ध
द्रौपदीकै कारण महाभारत युद्ध भएको छ ।
काठमाडौं