नेपाली हास्यव्यङ्ग्य अनलाइन पत्रिका

म आफ्नै घरमा आज अनागरिक भैसकेँ
उताकाले यता आई घेराबन्दी गरी सके ।।

जन्मदर्ता उताको छ उम्मेदार उता थिए
उतै चुनाव हारेर अयोग्य पनि मानिए ।।

यता आए नागरिक दर्तापत्र यतै लिए
जग्गा जोडे बने मन्त्री भूमिपुत्र उनै बने ।।

आज धम्की उनी दिन्छन् यो मेरो देश हो भनी
सरकार बसेको छ निरीह निमुखा बनी ।।

हामी त डाँडाका जून आज हो वा कि भोलि हो
चिन्ता सन्ततिको लाग्छ के होला भोलि देशको ।।
काठमाडौं