नेपाली हास्यव्यङ्ग्य अनलाइन पत्रिका

एउटा ठुलो पर्खाल छ साथी
एउटा ठुलो पर्खाल छ
पर्खालभित्र महापाल छ
देश बनाउछु भन्छ
तर उसकै बेहाल छ ।

सुशासनका कुरा गर्छ
संबिधानका कुरा गर्छ
यो पनि गर्छु भन्छ
त्यो पनि गर्छु भन्छ
तर हरेक काम
न सुरु गर्छ न पुरा गर्छ ।

पर्खालभित्र छिरेपछि
सब काम कुरो भुल्दछ
मुख्य कामलाई थाती राखी
सानो कामलाई डुल्दछ
पर्खाल छोडी हिंड्ने बेला
अरुले झै बोल्दछ ।

धेरै गर्न सोचेको हो
के के गर्न खोजेको हो
तर पर्खाल भित्र
ठुलो जाल रहेछ
भ्रष्टचारको महाजाल रहेछ
केही गर्न नदिने चाल रहेछ
के के गर्छ भनेको त
बिचरा यो पनि
महापाल रहेछ ।

राष्ट्रको नाममा घोसना गर्छ
विदेशी सहयोग ल्याउदा
प्रतीपक्षले दिएनन्
योजना पासा गराँै भन्दा
सत्ता पक्षले सहज लिएनन्
भ्रष्टाचारलाई रोकौँ भन्दा
अरुको के कुरा
आफ्नै मन्त्रीले साथ दिएनन् ।

एउटा ठुलो प्रखाल छ साथी
एउटा ठुलो प्रखाल छ
पर्खाल भित्र महापाल छ
तर हरेक महापालको
उस्तै उस्तै बेहाल छ ।
दाङ, हाल– काठमाडौ