बाबुराम पाेखरेलचार ठोक्तक
१.
राष्ट्रिय तरकारी सिमी हुनुपर्छ
र नयाँ राजधानी ठिमी हुनपर्छ
देशको बागडोर मैले सम्हाल्ने भएपछि
म राजा भैगएँ रानि तिमी हुनपर्छ ।
२.
प्रेमिल मन उन्मुक्त छाडेको आरोप छ ममाथि
कसैलाई नजर गाडेको आरोप छ म माथि
ठाउँका ठाउँ जुरुक जुरुक हुनेगरी मुक्तक सुनाएर
सुन्दरीहरूको हृदय भाँडेको आरोप छ ममाथि ।
३.
तिम्रै प्यारमा एकोहोरो भएछु म क्यार्छौ त नि !
तिम्रै खातिर बौलाउँदै गएछु म क्यार्छौ त नि !
भर मेरै पर अब, मेरै स्याहार गर अब
त्यो भाग्यमै लेखिएको रहेछु म क्यार्छौ त नि !
४.
मेरो कुटी पनि उज्यालो हुनेछ ओतिलो हुनेछ
यो ज्यान पनि फुर्तिलो हुनेछ जोशिलो हुनेछ
पिलन्धरे भनेर नहेप भो ! मेरी च्याँखुरीलाई
भोलि पर्सि उनको ज्यान पनि पोटिलो हुनेछ ।
काठमाडौं
