बरु अनसन बस्दा राम्रो
‘म’मा जब मान्छे मार्ने नै विचार आउनेछ
स्वास्नी फिर्ता गर्न घरमा तब जार आउनेछ ।
ढुक्क हुँदै बुवा भन्छन् मेरो छोरा विदेश गा’छ
फर्केपछि साहुले लग्या घरबार आउने छ ।
गर्दै जाऊ भ्रष्टचार विकासको नाम पारी
सकिए’सी फेरि नयाँ अनुहार आउनेछ ।
जब मैले सरकार बिरुद्धमा गजल लेख्छु
मेरो पछि पछि सबै यो संसार आउनेछ ।
‘बन्द गर्न भन्दा बरु अनसन बस्दा राम्रो’
तिम्रा माग पूरा गर्न सरकार आउने छ ।
जदाहा, नवलपरासी