नेपाली हास्यव्यङ्ग्य अनलाइन पत्रिका

ओइलाएको अनुहार
किरिम पाउडरले टाली
टलक्क टल्काउँदै मुहार
लगाउँछे सुर्मा र लाली ।

छमछम बजाउँदै पाइजु
मञ्चमा पाइलाहरू चाली
मातमा डुबेका भमराहरू
जोशले बजाउँछन् ताली ।

तताउँछे नशाले रात पनि
एक एक पोशाक फाली
चुम्दछे प्याला गिलासको
दर्शकलाई अगालो हाली ।

लोभ्याउँछे सबका नजरहरू
सर्वाङ्ग आफूलाई ढाली
उफ्रन्छ बुढो पनि जोशले
नाइटोमा रुपैयाँ हाली ।

चम्काउँछे अँध्यारो रातलाई
जूनले झै धपक्क बाली
निम्त्याउँछे सधै भोकहरूलाई
पस्कदै यौवनको थाली ।