नेपाली हास्यव्यङ्ग्य अनलाइन पत्रिका

१.
समय त सबैलाई चौबीसै घण्टा हो
कुर्नेलाई मात्र पट्यार लाग्छ
चोट त अचानोलाई न हो
खुकुरीले एकपटक हाने पुग्छ
गल्ती त काम गर्दा नै हुन्छ
गल्ती सुधारेरै व्यक्ति महान् हुन्छ
सोंच त दिमागमा हजारौ आउँछन्
जब सफल सोंचलाई मुटुले साथ दिन्छ
जित्नेको घोडा हो भन्छन् इतिहास
हार्नेले कि घुँडा टेक्नु वा टुक्रिनु पर्छ
राम्रो कामको शुरू आफैं र आजैबाट गरौं
भोलि त स्वतह राम्रो हुन्छ ।

२.
दुख मात्र हैन सुख हो जीवन
आँसु मात्र हैन हाँसो हो जीवन
पाउनु मात्र हैन गुमाउनु हो जीवन
शिशिरको तुषारो मात्र हैन
बसन्त बहार पनि हो जीवन
जन्मको पासपोर्ट मात्र हैन
मृत्युको भिषा पर्खनु पनि हो जीवन
जन्मको उत्सवदेखि अन्त्यको
श्रद्धान्जलीसम्म हो जीवन
कसैको भरोसामा मात्र हैन
साथमा साथ दिनु पनि हो जीवन
जति पुजे पनि प्रकट नहुने
भगवान्लाई कुर्नु हो जीवन
आफ्नो लागि हैन केवल
अरूको लागि बाँच्नु हो जीवन
आफूले कमाएर खर्च गर्नु हैन
छोरा नातिका लागि साँच्नु रैछ जीवन ।

काठमाडौं