दुर्गाप्रसाद ग्वालटारेपाकेको पो बेल
एसियाली मापदण्ड, फेल भयो साथी
सपना नै दाउरा ग्यास र, तेल भयो साथी ।
बजारमा हामी सबै, राखिएका बेला
घिउ–तरबार बेचुवाको मेल भयो साथी ।
बाजहरू जिस्की खेल्दा मस्ती नाउँको खेल
गौंथली र चिभे माथि झेल भयो साथी ।
विकासका कुरा छोड, भन्छन् जनताहरू
सबैभन्दा खाँचो अब जेल भयो साथी ।
बनिबनाउ धुरी खोप्ने बाँदरहरूलाई
तन्त्रहरू पाकेको पो बेल भयो साथी ।
२०७२ कात्तिक
काठमाडौ
Subscribe
Login
0 Comments
Oldest
