नेपाली हास्यव्यङ्ग्य अनलाइन पत्रिका

मर्दा पर्दा
सधैं चाहिने छिमेकी
कहिले
कुलो–पानी थुनी दिन्छ
कहिले
साँध–सिमाना मिची दिन्छ
कहिले
खुसी भएर रमाउँछ
कहिले
रिस गरेर घुर्क्याउँछ
जति ठुलो छ
उसको घर खेत र बारी
त्यति नै सानो छ
उसको चित्तको भकारी
अपशोच !
न ऊबाट
म धेरै टाढा जान सक्छु
न ऊसँग
म धेरै नजिक नै हुन सक्छु
त्यसैले भनिन्छ
सबै कुरा फेर्न सकिन्छ
छिमेकी फेर्न गाह्रो छ
सबै कुरा बेहोर्नु सकिन्छ
तर यस्तो व्यवहार
बेहोर्न साह्रो छ ।

काठमाडौं