राकेश कार्कीहाम्रा नेता दिल्ली गए
बुद्धिमान भए कि सिल्ली भए
हाम्रा नेताहरू लुरूलुरू दिल्ली गए
चुलो निभाएर पारवाहन रोकेर
सर्वसाधारणलाई दुस्खमा चोपेर
आँसु बगादिने प्याजका झिल्ली भए
हाम्रा नेताहरू लुरूलुरू दिल्ली गए ।
औषधी विना विरामीको चित्कार
एम्बुलेन्सलाई पनि ढुंगा प्रहार
प्राणको भिख माग्नेहरू विचल्ली भए
हाम्रा नेताहरू लुरूलुरू दिल्ली गए ।
स्कुल कलेजलाई पनि बन्द पारेर
बामे सरेको अर्थतन्त्रलाई मन्द पारेर
नाका न्याकेका बजारका गल्ली भए
हाम्रा नेताहरू लुरूलुरू दिल्ली गए ।
‘ङ्यार्र’ सरकार विरोधी दलतिर सर्छ
‘ङुर्र’ विरोधी दल सरकारसँग गर्छ
यता सिंह उता फर्कदा बिल्ली भए
हाम्रा नेताहरू लुरूलुरू दिल्ली गए ।
इन्जिनियर, लस एन्जेलस
