नेपाली हास्यव्यङ्ग्य अनलाइन पत्रिका

मेरै राज्य महाँ हुन्छन् देश बन्द गराउने
आगोमा जिउँदै हाली साथी आफ्नै जलाउने
विकासका कुरा कोही गर्दैनन् यो बनाउने
राजनीति छ उस्तै नै सत्ता चढ्ने ढलाउने ।

सीमानामा वसेका छन् देश आफ्नै रूवाउन
नाकावन्द गरौं भन्छन् डाकी राष्ट्र थुनाउन
काटा–काट गरी शत्रु भाई−भाई विचै भयो
कित्ताकाट मधेशी र पहाडीको हुँदै गयो ।

यौटा उत्तरको डाक्छ मेरो देश त आउ ल
अर्को दक्षिणको खोज्छ मिचेर देश खाउ त
खोजेर ती पराई खै टिक्ने हामी कती दिन
स्वाभीमानी हुने कैले हामी आफै मिलीकन ।

स्वार्थै भारतको हुन्छ नेपाल अस्थिर बनाउन
चीनको पनि आफ्नै छ फ्री तिव्वत् न भनाउन
स्वार्थका वीचमा हामी च्यापिएका तरूल झैं
लुक्ने ति सर्प झैं भयौं देखी दुष्मन् गरूड नै ।

जानेर यी कुरा आऊ हात हामी समाउने
समस्या जति जे हुन्छन् हटाएर रमाउने
मधेशीले तराईमा साँध किल्ला मिलाउनु
भित्रे धेरै विदेशी ती हुन्न अन्य छिराउनु ।

कालापानी पहाडीले सगरमाथा बचाउनु
हाम्रो माटो समालेर पर्छ वस्ती बसाउनु
गरून् मिलाप नेपाली समाधान गराउन
मथेर नै दहीबाट बन्छ नौनी मिठो झन ।