नेपाली हास्यव्यङ्ग्य अनलाइन पत्रिका

सुन्दर समाज निर्माण गर्न सुशासनको खेती
भ्रष्टाचारलाई पाखा लगाउँ इच्छा थियो यति

कति राम्रो देश हाम्रो के गर्नु र आज
हाकाहाकी देश चुस्छन् देख्नेलाई लाज
भ्रष्टहरू मान पाउँछन् माला लाउँछन् दिनमा
देश खोक्य्राउने मिलो मतो गर्छन् एकै छिनमा

सुन्दर समाज निर्माण गर्न सुशासनको खेती
भ्रष्टाचारलाई पाखा लगाउँ इच्छा थियो यति

भ्रष्टाचारको जालो बुन्छ गाउँ, शहर, नगर
सन्ततिले सिको गर्छन् हुन्छ देश बगर
हराभरा हरियाली खुसियाली छाउन
भ्रष्ट मति छोडौँ साथी मीठो प्रीति लाउन

सुन्दर समाज निर्माण गर्न सुशासनको खेती
भ्रष्टाचारलाई पाखा लगाउँ इच्छा थियो यति

को खाई को खाई भाका हाल्दै खान सिकाउँछन्
मुख्य छोडी चोर बाटो जान सिकाउँछन्
ठूलाले नै हो झै लाग्छ पियन बिगारेको
देख्न पाइने कहिले होला देश सिहारेको

सुन्दर समाज निर्माण गर्न सुशासनको खेती
भ्रष्टाचारलाई पाखा लगाउँ इच्छा थियो यति
पोखरा–११, फूलबारी