नेपाली हास्यव्यङ्ग्य अनलाइन पत्रिका

आफ्नो तनका कपडा च्यात्छु, मै पनि मन्त्री बन्छु
सदनभित्रका कुर्सी भाँच्छु, मै पनि मन्त्री बन्छु !

जनता ढाँट्छु, सपना बाँट्छु, फोस्रो ध्वाँस उफार्छु
डन, गुण्डा औ तस्कर पाल्छु, मै पनि मन्त्री बन्छु !

जाति उचाल्छु, धर्म उचाल्छु, क्षेत्र–वाद उचाल्छु
आन्दोलनको म धम्की दिन्छु, मै पनि मन्त्री बन्छु !

निमुखालाई दण्डित गर्छु, ठूलासामु नुहिन्छु
उत्तर ढोग्छु, दक्षिण ढोग्छु, मै पनि मन्त्री बन्छु !

लोकतन्त्रको नाम भजाई खाए, सबै उडाए
मै पनि वि.पि., मदन भन्छु मै पनि मन्त्री बन्छु !

अड्को थाप्दछु, भाँजो हाल्दछु, कामै गर्न म दिन्न
सय दिनभित्रै सत्ता ढाल्छु, मै पनि मन्त्री बन्छु !

दाङ