साधुराम खड्कामहँगीमा फ्राइड राईस
विदेशीहरू भन्ने गर्छन्
गरीब देशका धनी नेपाली
बिचरा उनीहरूलाई के थाहा
हाम्रो चुलोचौको सधै छ खाली
अहिलेको त छाक टर्यो
भरेको पीर मात्रै छ खाली ।
खिनौटे छोराछोरी करङ्को
बनाऊ गिटार र बजाऊ
बासीभात नै भेटे पनि के दुख्थ्यो र पेट
उब्रेपाब्रेको छ भने फ्राइड राईस बनाऊ ।
अपार जलसम्पदा हाम्रै हो
भो लोडसेडिङलाई गाली नगरौं
झिलिमिलीले आँखा बिगार्छ
बरू क्यान्डललाईटमा डिनर गरौं ।
महँगी र अभावको कुरै नगर कसैले
बिहान सुकुटी र भटमास त
बेलुका भटमास र सुकुटी पकाउँ ।
यसैलाई कति मिठो प्रिय भन्दै
आआफ्ना अभागी जहानलाई फकाउँ ।
काठमाडौं
