दुर्गाप्रसाद ग्वालटारेबन्न सक्नु पर्छ
झुक्नेका लागि, माला बन्न सक्नुपर्छ
टोक्नेका लागि, भाला बन्न सक्नुपर्छ ।
साधुको निम्ति, हुनुपर्छ खुला ढोका
चोरको खातिर, ताला बन्न सक्नुपर्छ ।
भक्तलाई आकाश–दीप बाल्नु पर्दाखेरि
डढियोस् सही, पाला बन्न सक्नुपर्छ ।
साँचो–सक्कली, मायाँ–स्नेह छचल्किए
चुम्बनमा तत्पर, गाला बन्न सक्नुपर्छ ।
उपेक्षित हुँदा, मठ–मन्दिर–देवालय
‘प्रसाद’ सेलाउन, नाला बन्न सक्नुपर्छ ।
२०७२ फागुन १५
काठमाडौ
Subscribe
Login
0 Comments
Oldest
