नेपाली हास्यव्यङ्ग्य अनलाइन पत्रिका

ओखती यन्त्र वा खाना, तेश्रो विश्व प्रयोग हो
हामी प्रयोगशालाका, निरीह—स्टूल मात्र हो ।
धर्म नीति तथा अर्थ राजनीति र योजना
हामी प्रयोगशाला हौँ, गर धेरै परीक्षण ।।१।।

बस मोटर थोत्रा छन्, वायुयान त जीर्ण झन्
जाँच्दै नजाँची यात्रामा, गूडान र उडान छन् ।
प्रतिबन्धित लागेका, वायुयान चलाउँदै
मृत्युको मुखमा पुग्छौँ, परीक्षण बढाउँदै ।।२।।

क्षमता यन्त्रको भुल्दै, कोच्छौँ पाए जहाँ जति
चर्का दुर्घटना झेली, बर्खीमा छौँ यहाँ कति ।
खाना छाना र नाना वा ओखती यन्त्र वा सुई
प्रयोग गर्न हामी छौँ, चढ विज्ञ मजा बुई ।।३।।

धादिङबेँसी