नेपाली हास्यव्यङ्ग्य अनलाइन पत्रिका

पात्रो मात्रै नव नबनिद्यौ, सोच हुन् नव्य–सभ्य
कात्रो मात्रै नव नबनिद्यौ, खोज हुन् नव्य–भव्य ।
नारा थारा प्रवचन भरी, मात्र वाचाल बन्ने
ढोगी रोगी चलन र प्रथा, गर्नु सध्धै निफन्ने ।।

जे जे बोल्छौ मन तन मिली, कामले पूर्ण पार
नौला नौला विधिप्रविधिमा, देशलाई सिगार ।
घिच्ने थिच्ने अतिसय भयो, पश्चगामी विचार
किच्ने मिच्ने अधम तममा, गर्न थाल्द्यौ प्रहार ।।

जिब्रा मीठा मन त धमिला, काम अस्पष्ट–भ्रष्ट
सत्ता हाक्ने अजिङर हुँदा, भोगियो धेर कस्ट ।
आऊ नौला मन मगज ली, क्रान्तिको स्पर्श छर्दै
काला भाला प्रतिगमनका, स्वार्थलाई निचोर्दै ।।

धादिङ