दुर्गाप्रसाद ग्वालटारेजासुसी गर्नेहरू
यहाँ मैमत्त छन्, मनखुसी गर्नेहरू
जम्जमाएका छन्, जासुसी गर्नेहरू ।
महादानी बन्छन्, माटो–पानी बेचुवा
किन्चित् त्याग गर्न, कञ्चुसी गर्नेहरू ।
अल्छी पाटेहरू, अगुवा छन् छीस् छीस्
सुत्न पाएपछि, भुस्भुसी गर्नेहरू ।
पहाड खोप्छु भन्दै, खोक्छन् मजासँग
छिनो ठोक्नु पर्दा, ठुस्ठुसी गर्नेहरू ।
‘दुर्गा’ भक्त बन्छन्, दुई हात जोड्छन्
दैंत्यसँग मिली, घुस्घुसी गर्नेहरू ।
२०७३ बैशाख १
काठमाडौ
Subscribe
Login
0 Comments
Oldest
