चूडामणि रेग्मीलफडाष्टक–२
१
नेताहरू सडकको राजनीति हान्छन्
चूमरे त बेकुरेको सधैं भान्सा कुर्छन्
२.
कैयौँ यहाँ गोप्य खेती फपाउन कुध्छन्
चूमरे त ‘जुही’को नै बाँझो खेती कुध्छन् ।
३.
अहो पद ! अहो पैसा ! महामन्त्र जप्छन्
चूमरे त ‘विशेषाङ्के’ सपनामा कुध्छन् ।
४.
रातो होस् कि सेतो, पीत ? बिक्ने–बिक्ने लेख्छन्
चूमरे त ‘लुकेकाको चिनारी’ पो लेख्छन् !
५.
फुमन्तर ! चटक छ ! फापेको छ कुध्छन्
चूमरे त पक्क लाटो ! झोलै मात्र भिर्छन् ।
६.
चैते हुने ! माघे हुने ! टोपी ढल्काउँछन्
चूमरे त हस्स बुढी ! खिस्स दाँत हुन्छन् ।
७.
आदर्शवान् क्रान्तिकारी भन्ने कार चढ्छन्
चुमरे त छोरासँग ‘काजू दे न !’ भन्छन् ।
८.
मपाइले चुली चढी अदुआमा पर्छन्
चुमरे त विज्ञापनै नास्ति ‘जुही’ भर्छन् ।
झर्रो नेपाली घर
चन्द्रगढी, झापा
