सुलसुलेपुस्तक चर्चा : ‘म भात जोरूँ कि कविता लेखूँ’
नेपाली कविता साहित्यको प्रख्यात नाम– विश्वविमोहन श्रेष्ठको कवितासङ्ग्र्रह ‘म भात जोरूँ कि कविता लेखूँ’ को हालै साझा प्रकाशनले दोश्रो संस्करण प्रकाशित गरेको चर्चा छ । 
{{read_more}}
यो कवितासङ्ग्र्रहको पहिलो संस्करण २०४४ सालमा नेपाल राजकीय प्रज्ञा प्रतिष्ठानले प्रकाशित गरेको थियो, जसमा तत्कालिन कुलपति लैनसिंह बाङदेलको पत्र र उपकुलपति माधवप्रसाद घिमिरेको प्रकाशकीय थियो । ती जस्ताको तस्तै साझा प्रकाशनको संस्करणमा पनि छापिएको छ तर साझा प्रकाशनले दोश्रो संस्करण छापिएको बारे आफ्नो प्रकाशकीय यसमा राखेको छैन । बरु कवि विश्वविमोहन श्रेष्ठले ‘केही भन्नैपर्दा’ शीर्षकमा छोटो समयमै प्रज्ञा प्रतिष्ठानको पहिलो संस्करण बजारमा अप्राप्य भएको हुनाले साझा प्रकाशनलाई प्रकाशित गर्न अनुरोध गरेको कुरा लेखेका छन् ।
कविता उनको अन्तरआत्माको आवाज हो भन्ने कुरा पनि उनले गर्वका साथ आफ्नो भनाइ राखेका छन् । पुस्तकको आवरण पृष्ठको पछिल्लो पातामा लेखिएअनुसार कवि विश्वविमोहन श्रेष्ठका यो कविता सङ्ग्र्रह बाहेक ‘एउटा गन्तव्यको खोजीमा’ र ‘अङ्गारका धमिला धर्साहरू’ दुई अन्य कविता कृति पनि प्रकाशित छन् । ‘म भात जोरूँ कि कविता लेखूँ’ मा जम्मा ३५ कविताहरू सङ्कलित छन् । मूल्य रु. १९० राखिएको छ ।
