नेपाली हास्यव्यङ्ग्य अनलाइन पत्रिका

नाङ्गा छन् चुचुरा हिमालतिरका को लेख्छ नौलो कथा
मान्छे घोर घमण्डी अहमले के बुझ्छ यो सर्वथा {{read_more}}
औडाहा छ बखान गन्थन झनै वास्ता छ कस्को मुना
नेपाली बसुधा विशाल गरिमा निर्बन्धता भिन्तुना । १

कर्णाली छ सुधी न चामल मकै भोकै छ कोदो ऋणी
कोशीको चतरा छ बाँध धुलिशात् दुख्दै छ सुस्ता पिंढी
टारीखेत छ रे विदारक घना दच्कन्छ नारायणी
जालैजाल घनत्व खै भुवनमा उल्झन् छ रे रुक्मिणी । २

ताप्लेजुङ् थर बैतडी मुगु कहाँ बारा र पर्सा धरा
राराको जलले सिंचेन धरती उब्जन्छ के बाजुरा
शुक्लाफाँट छ बन्यजन्तु पहरा बन्दैन यो तस्कर
चुल्हो नै घर लुट्छ ताण्डव गरी सोहोर्छ झैं पत्कर । ३

ब्वाँसाको हुलमा तथास्तु धनको उग्रै भिखारी कला
अग्लो पाखर सभ्यता हिमगिरी भन्दैन क्वै दार्चुला
डोटी खप्तड हो तपस्थल जहाँ खै शान्तिको साधना
डोल्पा दिन्छ जडीबुटी घनघटा भोग्दैछ के यातना । ४

को बोल्छन् र महानता मुलुकको आफ्नै छ चासो रिता
आँफै बाहुबली बनेर रणमा के दिन्छ सङ्घीयता ?
सिङ्गो आपतमा प्रदेश बबुरो भाँडेर मष्तिष्क नै
उल्फाको झगडा निकाय लघुता ढाँटेर उत्कृष्ट खै ? ५

२०७५।२।१५ गणतन्त्र दिवस, गैंडाकोट
सम्पर्क ९८६१८७१४०४