नेपाली हास्यव्यङ्ग्य अनलाइन पत्रिका

१. सुन्दा हाँसो उठ्छ

जाबो कुलो नाघ्न नसक्नेले समुद्र तर्छु भनेको सुन्दा हाँसो उठ्छ
चौरमा निस्किन नसक्नेले खेल जित्छु भनेको सुन्दा हाँसो उठ्छ
खै १ केके देख्नुपर्ने भो केके सुन्नुपर्ने भो यी फुटेका आँखा र प्वाल परेका यी कानले
किताब नपल्टाउनेले फस्ट डिभिजन ल्याउँछु भनेको सुन्दा हाँसो उठ्छ ।

२. ‘महिला नेता’

महिलाहरू उक्लिने सिँढी महिलाहरूले नै तानेको देख्दा दिक्क लाग्छ
जानाजान आफ्नो खुट्टामा आफैँले बन्चरो हानेको देख्दा दिक्क लाग्छ
आँखा चिम्ली पुरूषलाई मात्रै गाली नगर्नु होला ए ! आमा, दिदी तथा बहिनीहरू !
दुई कौडीको मान्छेलाई महिलाहरूले ‘महिला नेता’ छानेको देख्दा दिक्क लाग्छ ।

हेटौडा, मकवानपुर