नेपाली हास्यव्यङ्ग्य अनलाइन पत्रिका

भुइँ पृथ्वी हो
आफै बसेको धरातल हो
भुइँ श्रमिक हुन् {{tead_more}}
भुइँ राष्ट्र र देश हो
भुइँ आस्थामा बांधिएका पात्र हुन्
भुइँ नैतिकता हो
भुइँ इमान्दारीता हो
भुइँ कर्म हो
भुइँ सादा जीवन र उच्च बिचार हो
त्यसैले तिमी भुइँ नछोड ।

भुइँबाट उठेकाहरू
जब अवसर र मौका पाउँछन्
एउटा भुइँसंगै उठेर भुइँमै रम्छ
अर्को भुइँ बिर्सेर कतै लुट्पुटिन्छ
भुइँ बिर्सनेहरू
आस्थामा खेलवाड गर्नेहरू
आयाराम गयाराम हुन्छन्
त्यसैले सगरमाथाको शिखर चुम
या, दुनियाको अर्को ग्रह पुग
तर तिमी भुइँ नछोड
भुइँको आवाज बोक्ने तिमी
आफूलाई देवता नठान
देवता त भुइँ हुन्
त्यसैले तिमी भुइँ नछोड ।

तीनथाना