ज्ञानुवाकर पौडेलकसो गरी पछार्ने हो
दुष्ट हुन सके मात्र भाउ हुन्छ यहाँ
साधुहरू रेटिन्छन् र घाउ हुन्छ यहाँ ।
आफ्नो बाटो आफैँ हिँड्छु भनी जो उभिन्छ,
कसो गरी पछार्ने हो, दाउ हुन्छ यहाँ ।
सक्छौ भने बाबु तिमी बाङ्गोे बन्नुपर्छ
सोझो सबले टेकी हिँड्ने पाउ हुन्छ यहाँ ।
बिर्सेर नि यशको आशा राख्दिनँ म पुग्यो
बच्चो माउ याने छोरो बाउ हुन्छ यहाँ !
साढे सातका धेरै दशा भोग्ने मान्छेलाई
जुठो खाने जन्तुसमेत हाउ हुन्छ यहाँ ।
ढर्रा खोज्ने जमाना छ ढर्रा छैन भने
शुद्ध सुनको कामै छैन, धाउ हुन्छ यहाँ !
फस्कू, दोलखा
(कालिका उच्च मा.वि., फस्कू, दोलखा)
Subscribe
Login
0 Comments
Oldest
