नेपाली हास्यव्यङ्ग्य अनलाइन पत्रिका

धेरै भए हिजो आज बन्दुकका गोलीका कुरा,
हर्केले च्यातेका कति चमेलीका चोलीका कुरा ।

भाग्यमा श्री लेखिँदैन मलामी बोकेको देशमा,
बरु टिक्दैछ बेकामे नेताजीका बोलीका कुरा ।

कसको घर के पाक्छ सोधिखोजी गर्दै नहिँड,
सक्छौ भने बाँड ठुले भरिएको झोलीको कुरा ।

मर्दा ऊ मलामी बाँच्दा काम लाग्ने काठै त हो,
भो नगर अब तिमी बगी जाने खोलीको कुरा ।

धेरै सुन्यो धेरै देख्यो झापालीले झुटको खेती,
पक्कै अब सुन्ने छैन बकम्फुसे टोलीका कुरा ।