नेपाली हास्यव्यङ्ग्य अनलाइन पत्रिका

नेता, योद्धा, शहीद सारा सजाएर खायौ कति !
नारा, वाद, विचारधारा भजाएर खायौ कति !!

आज बैंकक भोलि दिल्ली लिलामीका माल बनी !
पजेरामा सुन्दरी सुरा नचाएर खायौ कति !!

कति बेते भयौ दाजै ! पाठेघरमा जलन छ कि !
भाले सांसद बनी पोथी जचाएर खायौ कति !!

न बिजुली बले, न बाँध बने, न गह्रा भरिए
काली–गण्डकी–कोशी भेटी चढाएर खायौ कति !

टिष्टा–काङ्गडाका युद्ध, बुद्ध–लुम्बिनी सबै भुली
नेपालमा विदेशी धोती बढाएर खायौ कति !

काठमाडौ