नेपाली हास्यव्यङ्ग्य अनलाइन पत्रिका

शेषकान्त गाैतम :

“पार्टीसम्बद्ध नेता कार्यकर्ताहरू सबैले क्रिसमस ईव भव्य रूपमा सेलिब्रेट् गर्ने” भन्ने प्रस्ताव बहुमतले पारित गर्दै स्थायी समितिको मिटिङ पर्सिसम्मकाे लागि स्थगित गरियाे |
कामरेड खादूराम बिहानैदेखि राेमान्सकाे मुडमा थिए | पार्टीको निर्णय उनलाई “के खाेज्छस् …. आँखाे” भनेजस्तै भयाे | माेवाइल स्विचअफ गरे र घर नगई त्यतैबाट उनी सरासर रेष्टुरेन्टतिर लागे |

रेष्टुरेन्ट एकदमै प्याक थियाे | सबै टेबुलमा जाेडीहरू (कपल) थिए | बस्नकाे लागि खाली ठाउँ कतै थिएन | कामरेड खादुरामले एकछिन साेचे | आइडिया फुरिहाल्याे-

माेबाइलमा नम्बर डायल गरेजस्तो गरेर
कानमा लगाए र जाेड जाेडले चिच्याए-

“हेल्लाे सर ! छिटाे आइहाल्नुस् ! त्याे बदमास त यहीं छे ! लठारिएर बसेकी छे, छिटाे है छिटाे…!”

तुरुन्तै ९ जना केटीहरू न्याप्किनले मुख छाेपेर भागिहाले ……|

तर… तर भाग्नेमध्येकी एउटी चैं खादुरामकी मेडम रतिकला नै पाे परिछन् ….!! रतिकला हुन् भनेर ठम्याउँदा ठम्याउँदै खादुराम त खङ्ग्रङ्गै भएर ठाउँकाे ठाउँ ढले ।

अहिले खादूराम ग्रान्डी हस्पिटलकाे आईसीयूमा छन्, हाेस अझै खुलेकाे छैन रे ….!

०००