कमला पन्थी अधिकारीम ड्याङ्गै बनाई सधैं हान्छु मुक्का
कहाँ सुन्छु मैले गरेकाे विराेध छु आफै म जान्ने यहाँ राेज राेज अनेकाैँ थरीका मिलाएर टुक्का म ड्याङ्गै बनाई सधैं हान्छु मुक्का ।
कमला पन्थी अधिकारी :
म मात्रै छु जान्ने सबै छन् नजान्ने
यहाँ काे छ त्यस्ताे मलाई नमान्ने
सबै काम मैले छु राम्राे गरेकाे
यही धारणाले म मख्खै परेकाे । १ ।
सखा छन् भराेसा सधैं गर्न सक्ने
सबै माग पिच्छे सही गर्न सक्ने
उनैकाे सहारा लिएरै म गर्जेँ
कसैकाे कुनै राय पच्दै नपच्ने । २ ।
मलाई कहाँकाे र के काे छ वास्ता
अरूले भनून् जे गरून् जे गुनासा
सबै काम राम्रा गरेकाे तमाम
गरून् तीव्र निन्दा र ती शब्द वाण । ३ ।
कहाँ सुन्छु मैले गरेकाे विराेध
छु आफै म जान्ने यहाँ राेज राेज
अनेकाैँ थरीका मिलाएर टुक्का
म ड्याङ्गै बनाई सधैं हान्छु मुक्का ।४ ।
०००
९८४१८८२७७६
Subscribe
Login
0 Comments
Oldest
