नेपाली हास्यव्यङ्ग्य अनलाइन पत्रिका

सचिवालयको मिटिङ् भोलि ३ बजेसम्मको लागि स्थगित भएपछि सत्तापक्षीय कँ’णहरू “रिफ्रेस्मेन्ट“को लागि रेष्टुरेन्टतिर छिर्छन् । रिफ्रेस्मेन्ट राति अबेरसम्मै चल्छ । कँ’ण खादुरामको जीउ ठेगानमा हुँदैन, कँ’ण छद्मप्रसादले उनको घरको गेटसम्मै उनलाई गाडीबाट छोडिदिएर फर्कन्छन् । खादुरामले ’रतू !’ ’ए रतू !!’ भन्दै चिच्यार्इ रहन्छन् । छिमेकका कुकुर भुक्न थालेपछि बल्ल पत्नी रतिकलाले भुन्भुनाउँदै आएर गेट खोलिदिन्छिन् ।

भोलिपल्ट, मिटिङ् शुरू हुनुभन्दा अघि–

छद्मप्रसाद : अभिवादन है कँ’ण ! के छ..! रतिकला मेडमले केही त गर्नुभएन नि ?

खादुराम : छैन, छैन, खास त्यस्तो केही छैन…. यी दुइटा दाँत त मलाई यसै पनि 
निकाल्नै पर्ने थ्यो…!!

संयोग कस्तो भने, 
त्यसै दिन महिला हिंसा अन्त्य दिवस !!!