नेपाली हास्यव्यङ्ग्य अनलाइन पत्रिका

१.
सर्वहारा नेताहरू हेलिकोप्टर चढ्न थालेछन् कत्ति विकास भएछ
दिनका दिन होटलमा कुखुरा दार्न थालेछन् कत्ति विकास भएछ
हिजोका जस्ता गरिब कहाँ छन् र ! आजका कम्युनिस्ट अगुवाहरू
करोड करोडका गाडीमा शयर गर्न थालेछन् कत्ति विकास भएछ ।

२.
तिमीलाई मैले आफ्नै घरमा बस भन्न सकिनँ
तिमीलाई मैले आफ्नै फूलबारीमा हाँस भन्न सकिनँ
कस्तो होला यो दुनियाँ खालि रगतको नाता मात्रै खोज्छ
तिमीलाई मैले आफ्नै आँगनमा नाच भन्न सकिनँ ।

३.
मन बिथोलिएको छ त्यसै भएर निराश–निराश छु
मन चर्किएको छ त्यसै भएर उदाश–उदाश छु
सबै थोक भएर पनि म एक्लो–एक्लो र रित्तो–रित्तो छु आज
मन टुक्रिएको छ त्यसै भएर हतास–हतास छु ।

हेटौडा, मकवानपुर