नेपाली हास्यव्यङ्ग्य अनलाइन पत्रिका

अमर अधिकारी :

(कार्यालयमा हाकिम र बिचौलिया बीच खासखुस)
विचौलियाः सर यो मेनेजिङ डाइरेक्टरले पठाउनुभएको भेटी हो, छिटो गोजीमा राख्नुस् ।
हाकिमः छिटो त राख्नु परि गो नि ! नत्र अमर भन्ने मान्छेले देख्यो भने फोटो-भिडियो खिचेर फेसबुकमा हालेर छताछुल्ल परिदिन्छ, मान्छे खतरा छ।
-१-

(चौरासी पूजा सकिएको छ महिनापछि सिकिस्त भएका बाउ र अधबैँसे छोराबीच सम्बाद)
छोराः ल बा, अब अन्तिम ईच्छा के छ भन्नुस् ! अनि नारायण पनि भन्नुस् !!
बाः एउटा फेसबुक एकाउन्ट खोल्दिउ भनेर नाती नातीनीहरुलाई भनेको थिएँ, उनीहरुले टेरेनन्, यत्ति थियो मेरो अन्तिम इच्छा छोरा ! जुन पूरा हुन सकेन।
-२-

(बिहान छोरो मोबाइल हातमा समाउँदै उठेर बाथरुमतिर जाँदैगर्दा)
आमाः बिहान उठेपछि सिरक पट्याउनुपर्छ, कस्तो अल्छि भाको होला ?
छोरोः सिरक पट्याएर के गर्नु ममी ? बेलुका फेरि फैलाएर ओढ्नु परिहाल्छ !
-३-

(शिक्षक नआएपछि कक्षामा दुई विद्यार्थी गफ गर्दै)
रितेशः बाफ् रे को उल्टो के हुन्छ थाहा छ?
नरेशः आमाफ् रे ?
-४-

(नयाँ मान्छे टोलमा आएपछि)
आगन्तुकः यो टोलमा अमरेको घर कुन होला साहुजी ?
चियापसलेः खोई ह्याँ टोलमा अमरे नामको व्यक्ति कोही भए जस्तो लाग्दैन ।
आगन्तुकः उहाँको खास नाम अनन्त मणि रेग्मी हो, मैले त हतारमा छोटकरीमा अमरे भनेको।
-५-

०००
खुंग्री, रोल्पा। हालः बुढानिलकण्ठ, काठमाडौँ।