नेपाली हास्यव्यङ्ग्य अनलाइन पत्रिका

कहीँ छ लोकल कहीँ छ भोड्का कहीँ छ बियर
सक्दिन आमा सक्दिन बाबा यो रक्सी पिएर

कसैका लागि यो अमृत रस शराब हुन्छ रे
कसैका लागि यै असल जिनिस खराब हुन्छ रे
मलाई त यस्तो लाग्दैन खराब लाग्दछ डियर
दुःख र पीर भगाउँछु सधैँ यो रक्सी पिएर

सोझालाई छट्टु लोसेलाई टाठो गराउँछ रक्सीले
लाटालाई बोली कम्जोरलाई तागत भराउँछ रक्सीले
तै टाठो बाठो भइन्छ कि भन्दा ज्यान सुक्यो खिएर
चौबिसै घन्टा नसामा हुन्छु यो रक्सी पिएर

रोएर बस्न दिँदैन यस्ले हँसाई छाड्दछ
झ्याउरेको ताल्मा डिस्को र डानस् नचाई छाड्दछ
मलाई नि नाचूँ गाऊँ झैँ भा’छ बोत्तलै लिएर
उपाध्याय आज उपध्य्रा भयो यो रक्सी पिएर ।

०००
भोर्लेटार, लमजुङ