बूँद रानास्वयंलाई ठोसेर
कहाँ मर्न दिन्थें म मेरो छहारी जरामा सधैं बूँद हालिरहेछु !
तिखारेर आँखा नियालिरहेछु
म यस्तो नयाँ काम थालिरहेछु !
तुषारो छ चर्को नभैहुन्न आगो
स्वयंलाई ठोसेर बालिरहेछु !
अहंकार कस्तो डुबे डुब्छ डुङ्गा
उनी प्वाल पार्छन् म टालिरहेछु !
बढार्नु परेको छ फोहोर थुप्रो
मुटुमा म आँधी सँगालिरहेछु !
नहार्ने कसैले सकेसम्म जित्ने
फरक रीति यौटा बसालिरहेछु !
उठे देश उठ्छु अरू के उठाऊँ
म ता भूइँमान्छे उचालिरहेछु !
कहाँ मर्न दिन्थें म मेरो छहारी
जरामा सधैं बूँद हालिरहेछु !
भैरहवा
Subscribe
Login
0 Comments
Oldest
