चुनावी गजल
जसरी पनि चुनाव जित्ने मान्यताले अघि बढ्थेँ कब्जा गर्दा छेक्न आए भटट पार्ने गन थिएन ।
यसपाली प्रतिनिधि सभामा उठ्ने मन भएन
चुनावी क्षेत्र जुरूक्क पार्ने खाइलाग्दो तन भएन
आफ्नो वाहुल्यता नभए पनि कुनै डर नहुने
मतदाता लोभ्याई आफ्नो कब्जा पार्ने धन भएन
साथको दौलथले नपुगेमा कुटिल चाल खेल्थेँ
टिम्बर वालासँग नाता जोड्ने घना वन भएन
गठबन्धनमा नभए नि एकल चुनाव लड्थेँ
चुनाब स्थल कब्जा गर्दिने भुस्तिग्रे डन भएन
जसरी पनि चुनाव जित्ने मान्यताले अघि बढ्थेँ
कब्जा गर्दा छेक्न आए भटट पार्ने गन थिएन ।
०००
लमजुङ