नवराज कार्कीतीन ठोक्तक
नदेखेको कुरा गर्ने त कि कवि कि पागल हुन्छ कामरेडहरूले राजा देखेका थिए राजा जस्तै भए ।
१.
बगाल बगाल अरिङ्गालहरू छन्
केही माफिया र दलालहरू छन्
सिंहदरबारमा सिंह छैन अचेल
शहर पसेका स्यालहरू छन् ।
२.
राणाहरूले अंग्रेज देखेका थिए अंग्रेज जस्तै भए
काँग्रेसहरूले राणा देखेका थिए राणा जस्तै भए
नदेखेको कुरा गर्ने त कि कवि कि पागल हुन्छ
कामरेडहरूले राजा देखेका थिए राजा जस्तै भए ।
३.
बाबु छोरी दिन तयार छ
साहु ऋण दिन तयार छ
भिसा मात्रै लागेको हुनुपर्छ
जिन्दगी बदलिन तयार छ ।
०००
‘सधैँ सधैँ’ बाट
Subscribe
Login
0 Comments
Oldest
