सुरेश चन्द्र घिमिरेजेष्ठ नागरिक हाम्रा गहना हुन्
बृद्धकाे खुशीले बाँच्न पाउने आधार मापन गराैँ मनकाे तृष्णा मेट्न आवश्यक परे तनै सर्नुपर्छ ।
सुरेश चन्द्र घिमिरे :
जेष्ठ नागरिक हाम्रा गहना हुन् सम्मान गर्नुपर्छ
हृदयदेखि गाैरवसाथ सच्चा मायाले भर्नुपर्छ
मनमा कुण्ठा लिएर मन्दिर धाउँदा धर्म मिल्दैन
घरका ईश सम्झेर नित्य सेवा शरण पर्नुपर्छ
जहाँ कहीँ अप्ठेराे परेमा सहयाेगी हात बढाउँ
चिप्लाे बाेलेर हैन प्रेमिल दया सद्भाव छर्नुपर्छ
बृद्धकाे खुशीले बाँच्न पाउने आधार मापन गराैँ
मनकाे तृष्णा मेट्न आवश्यक परे तनै सर्नुपर्छ
जीवनकाे चक्र के हाे सबैलाई अवगत छँदैछ
याद राखाैँ है सबैले ढिलाे चाँडाे अवश्य मर्नुपर्छ ।
०००
कपन, काठमाडाैं ।
Subscribe
Login
0 Comments
Oldest
