युवराज भण्डारीजसरी पनि जित्छन्
इमान र आदर्शका पुजारीहरूलाई एक्लो बृहस्पति पारेर पनि जित्छन् ।
दिउसै रात पारेर पनि जित्छन्
यी नेता हुन् हारेर पनि जित्छन्
देशको निम्ति बलिदान भएका ती
शहिदका सपना मारेर पनि जित्छन्
सोझोलाई मुस्किल छ यो जङ्गलमा
सिधा वृक्षलाई बटारेर पनि जित्छन्
जति भन्दा पनि सुन्दैनन् यिनीहरू
भएको ढुकुटी निखारेर पनि जित्छन्
पहिचानको एउटै बिउ नरोपी उल्टै
एकताका फूल झारेर पनि जित्छन्
इमान र आदर्शका पुजारीहरूलाई
एक्लो बृहस्पति पारेर पनि जित्छन् ।
०००
तनहुँ, हालः टोरन्टो, क्यानडा
