खोलाघरे साहिँलोेलुकेसरि बेहुलीले
“छैनन् युवा घर, अशक्त र वृद्ध चैं छन्” भन्थी निराश्रित र चिन्तित बाटुलीले ।
खोलाघरे साहिँलो :
रङ्गीन भो नभछटा जब गोधुलीले
लाग्यो, यसै बखत याद गरी ठुलीले ।
छोप्तैछ बादल, चुली तर देखिंदैछन्
ओढेर घूँघट लुकेसरि बेहुलीले ।
सौन्दर्य यो भरिलिऊँ कसरी मभित्रै ?
सम्ठा सबै गरिलिऊँ कि त अञ्जुलीले !
केही भयो वतनमा कि प्रकोप, आदि
सोचेर व्यग्र हुन पुग्छु म खुल्दुलीले ।
आईरह्यो घरिघरी मनमा झझल्को
जो साबिती गरिदियो अब बाडुलीले ।
“छैनन् युवा घर, अशक्त र वृद्ध चैं छन्”
भन्थी निराश्रित र चिन्तित बाटुलीले ।
०००
इलाम
Subscribe
Login
0 Comments
Oldest
